Higit 50 Poste ng Kuryente tatanggalin sa Los Baños para maibsan ang matinding Trapiko — Gov. Aragones
Agad na ipinag-utos ni Laguna Governor Sol Aragones ang pagtanggal ng mga poste ng kuryente na nakaharang sa ikatlong lane ng isang pangunahing kalsada sa Los Baños, bilang hakbang upang maibsan ang matagal nang problema sa mabigat na trapiko, lalo na tuwing rush hour.
Opisyal nang sinimulan ngayong araw ang road-clearing operation sa pakikipagtulungan ng Pamahalaang Panlalawigan ng Laguna, Lokal na Pamahalaan ng Los Baños sa pangunguna ni Mayor Niel Nocon, Meralco, at Department of Public Works and Highways (DPWH).
Mahigit 50 poste ng kuryente ang target tanggalin upang ganap nang magamit ng publiko ang tatlong lane ng kalsada. Itinuturing itong mahalagang hakbang para mapabuti ang daloy ng trapiko at mapalawak ang kapasidad ng daan.
Ikinatuwa ng maraming motorista ang nasabing hakbang, at naghayag ng pasasalamat at pag-asa. Sa loob ng maraming taon, tiniis ng mga commuter ang matinding trapiko sa Los Baños, dulot ng mga poste ng kuryente na nakaharang sa daan. Ngayon na nagsimula na ang pagtanggal ng mga ito, umaasa ang mga driver sa mas maayos at mabilis na biyahe araw-araw.
- MONDE NISSIN POSTS 16.1% GROWTH IN CORE NET INCOME, REACHES ₱8.3 BILLION IN FIRST NINE MONTHS OF 2026 - November 8, 2026
- Cha Hernandez pushes grassroots mental health support through frontline worker training - October 28, 2026
- Media, police unite vs. fake news, push stronger public safety drive in Calabarzon - October 28, 2026
