Proud Lagunense: Atty. Melvin Matibag pamumunuan ang NBI
Itinalaga si Atty. Melvin Matibag bilang bagong Director ng National Bureau of Investigation (NBI). Opisyal siyang pinangalanan ng Palasyo noong Pebrero 19, 2026.
Bilang bagong pinuno ng NBI, pamumunuan ni Atty. Matibag ang pangunahing ahensiya ng pambansang imbestigasyon ng bansa na nasa ilalim ng Department of Justice.
Si Atty. Matibag ay may mahabang karanasan sa pamahalaan. Nagsilbi siyang acting Cabinet Secretary sa ilalim ng administrasyon ni Rodrigo Duterte at naging Secretary General ng Partido Demokratiko Pilipino–Lakas ng Bayan (PDP-Laban) bago siya nagbitiw noong 2023.
Bukod dito, humawak din siya ng mahahalagang posisyon sa iba’t ibang government-owned and controlled corporations.
Ang kanyang pagkakatalaga bilang Director ng NBI ay inaasahang magdadala ng panibagong direksyon at mas pinaigting na pagpapatupad ng batas sa bansa. Sa kanyang karanasan sa pamahalaan at pamumuno, marami ang umaasa na maipagpapatuloy at mapapalakas ang mandato ng NBI sa pagpapanatili ng hustisya at kaayusan.
- BamBini: Aquino, pinuri ang BINI sa pagdadala ng karangalan sa bansa; kinantahan ng grupo sa kanyang kaarawan - May 8, 2026
- Empowering the Next Generation of Chefs: Anihan Technical School Opens 2026 Scholarship Applications - May 1, 2026
- Bam Aquino nanatiling most favored senator sa 1Q survey ng Publicus Asia - April 7, 2026
