BamBini: Aquino, pinuri ang BINI sa pagdadala ng karangalan sa bansa; kinantahan ng grupo sa kanyang kaarawan
Pinuri ni Bam Aquino ang Filipino P-pop group na BINI sa pagdadala ng karangalan sa bansa at sa pagpapakita ng galing at sining ng Pilipino sa pandaigdigang entablado matapos ang kanilang makasaysayang pagtatanghal sa Coachella Valley Music and Arts Festival sa Indio.
Sa pagbisita ng grupo sa Senado noong Miyerkules, tinanggap ng BINI ang parchment copy ng Senate Resolution No. 370 na inihain ni Aquino bilang pagkilala sa kanilang mga performance noong Abril 10 at 17, 2026 sa isa sa pinakamalalaking music festivals sa mundo.
“Sa kauna-unahang pagkakataon, isang Filipino act ang nagtanghal sa isa sa pinakamalaking music festivals sa buong mundo. Masasabi natin na ang tagumpay na ito ay isang salamin ng galing at talento ng Pilipino sa pandaigdigang entablado,” ani Aquino sa kanyang sponsorship speech.
Ayon pa sa senador, ang tagumpay ng BINI ay nagsisilbing inspirasyon sa mga kabataang Pilipino upang mangarap at maniwala na kaya rin nilang maabot ang “world stage.”
Binigyang-diin din niya na hindi lamang ito tagumpay para sa industriya ng musika kundi para sa buong Pilipinas dahil ipinapakita nito ang lumalaking potensyal ng creative economy ng bansa.
Kasabay nito, kinantahan naman ng birthday song ng “Nation’s Girl Group” si Aquino, na nagdiwang ng kaarawan noong Huwebes. Sinabayan pa ng senador ng kaunting sayaw ang pag-awit ng grupo.
Ibinahagi rin ni Aquino na certified fans ng BINI ang kanyang mga anak na sina Rory at Coco.
“Pinagmamalaki ko na ang aking mga anak ay kabilang sa ‘Bloom’ community at pati shared Spotify account namin ay halos puro BINI ang kanta,” aniya.
- 𝗕𝗜: 𝗠𝗮𝗸𝗮𝗯𝗮𝗴𝗼𝗻𝗴 ‘𝗘𝗻𝗱-𝘁𝗼-𝗘𝗻𝗱’ 𝗕𝗼𝗿𝗱𝗲𝗿 𝗦𝗲𝗰𝘂𝗿𝗶𝘁𝘆 𝗦𝘆𝘀𝘁𝗲𝗺, 𝗶𝘁𝗶𝗻𝘂𝘁𝘂𝗿𝗶𝗻𝗴 𝗻𝗮 𝘀𝘂𝘀𝗶 𝘀𝗮 𝗺𝗮𝘀 𝗺𝗮𝘁𝗮𝘁𝗮𝗴 𝗻𝗮 𝘀𝗲𝗴𝘂𝗿𝗶𝗱𝗮𝗱 𝗻𝗴 𝗯𝗮𝗻𝘀𝗮 - June 17, 2026
- 𝗠𝗮𝘀 𝗺𝗮𝘁𝗮𝘁𝗮𝗴 𝗻𝗮 𝗯𝗼𝗿𝗱𝗲𝗿 𝘀𝗲𝗰𝘂𝗿𝗶𝘁𝘆 𝗻𝗮𝗸𝗮𝗸𝘁𝘂𝗹𝗼𝗻𝗴 𝘀 𝗽𝗮𝗴𝗹𝗮𝗸𝗮𝘀 𝗻𝗴 𝘁𝘂𝗿𝗶𝘀𝗺𝗼. – 𝗕𝘂𝗿𝗲𝗮𝘂 𝗼𝗳 𝗜𝗺𝗺𝗶𝗴𝗿𝗮𝘁𝗶𝗼𝗻 - June 10, 2026
- BamBini: Aquino, pinuri ang BINI sa pagdadala ng karangalan sa bansa; kinantahan ng grupo sa kanyang kaarawan - May 8, 2026
