Singil sa Transmission ng NGCP Bahagyang Bumaba, Singil sa Ancillary Services Tumaas sa Electric Bill ngayong Hunyo 2025

Inaasahang magkakaroon ng halo-halong pagbabago sa singil sa kuryente ng mga konsumer ngayong Hunyo, kasunod ng pinakabagong adjustments na ipinatupad ng National Grid Corporation of the Philippines (NGCP).

Bahagyang bumaba ng 0.27% ang transmission wheeling rates o ang bayad para sa paghahatid ng kuryente sa pamamagitan ng transmission grid para sa billing period ng Mayo 2025. Mula sa PhP0.4605 kada kilowatt-hour (kWh) noong Abril, bumaba ito sa PhP0.4593/kWh ngayong Mayo – katumbas ng bawas na PhP0.0012/kWh.

Sa kabilang banda, tumaas naman nang malaki ang singil sa Ancillary Services (AS) ng 9.29%. Mula sa dating PhP0.5175/kWh noong Abril, umakyat ito sa PhP0.5655/kWh nitong Mayo – o dagdag na PhP0.0480/kWh.

Nilinaw ng NGCP na ang AS ay mga pass-through charges, ibig sabihin ay kinokolekta lamang nila ito mula sa mga konsumer at diretsong ibinabayad sa mga service providers. Ang AS ay mahalaga upang mapanatiling matatag at balanse ang power grid tuwing may kakulangan o sobra sa supply ng kuryente.

Kahit bumaba ang transmission wheeling rate, tumaas naman ang kabuuang average transmission rate na isasama sa electric bill ngayong Hunyo. Mula sa PhP1.0978/kWh noong Abril, umakyat ito sa PhP1.1482/kWh nitong Mayo – o pagtaas na 4.60%.

Patuloy na paalala sa mga konsumer na ang mga pagbabago sa singil ay bahagi ng regular na pagsasaayos base sa galaw ng merkado at operasyon ng grid.

• Author
• Recent Posts

Kaye Balba

Correspondent at Southpost PH

Latest posts by Kaye Balba (see all)

• Experts warn tech-enabled trafficking demands innovation - June 24, 2026
• 𝗕𝗜: 𝗠𝗮𝗸𝗮𝗯𝗮𝗴𝗼𝗻𝗴 ‘𝗘𝗻𝗱-𝘁𝗼-𝗘𝗻𝗱’ 𝗕𝗼𝗿𝗱𝗲𝗿 𝗦𝗲𝗰𝘂𝗿𝗶𝘁𝘆 𝗦𝘆𝘀𝘁𝗲𝗺, 𝗶𝘁𝗶𝗻𝘂𝘁𝘂𝗿𝗶𝗻𝗴 𝗻𝗮 𝘀𝘂𝘀𝗶 𝘀𝗮 𝗺𝗮𝘀 𝗺𝗮𝘁𝗮𝘁𝗮𝗴 𝗻𝗮 𝘀𝗲𝗴𝘂𝗿𝗶𝗱𝗮𝗱 𝗻𝗴 𝗯𝗮𝗻𝘀𝗮 - June 17, 2026
• 𝗠𝗮𝘀 𝗺𝗮𝘁𝗮𝘁𝗮𝗴 𝗻𝗮 𝗯𝗼𝗿𝗱𝗲𝗿 𝘀𝗲𝗰𝘂𝗿𝗶𝘁𝘆 𝗻𝗮𝗸𝗮𝗸𝘁𝘂𝗹𝗼𝗻𝗴 𝘀 𝗽𝗮𝗴𝗹𝗮𝗸𝗮𝘀 𝗻𝗴 𝘁𝘂𝗿𝗶𝘀𝗺𝗼. – 𝗕𝘂𝗿𝗲𝗮𝘂 𝗼𝗳 𝗜𝗺𝗺𝗶𝗴𝗿𝗮𝘁𝗶𝗼𝗻 - June 10, 2026